ევროკავშირის 27 წევრი ქვეყნის ევროპულ საქმეთა მინისტრები, ასევე უკრაინის, მოლდოვის, დასავლეთ ბალკანეთის პარტნიორებისა და თურქეთის კოლეგები 1-2 სექტემბერს კოპენჰაგენში არაფორმალურ მინისტრთა შეხვედრაზე შეიკრიბებიან.

შეხვედრის მთავარი თემა ევროკავშირის გაფართოების სხვადასხვა ასპექტი იქნება.

პირველი სამუშაო სესია, ევროკავშირის გაფართოების პროცესში, კოპენჰაგენის კრიტერიუმების მნიშვნელობას შეეხება და მასში მონაწილეობას უკრაინის, მოლდოვის, დასავლეთ ბალკანეთის პარტნიორებისა და თურქეთის წარმომადგენლები მიიღებენ .

მეორე სამუშაო სესიის დროს, ევროკავშირის წევრი სახელმწიფოების მინისტრები სამართლის უზენაესობის მექანიზმების გაძლიერებაზე იმსჯელებენ.