თვალჭრელიძის ქუჩაზე გამოსახლებულები თბილისის მერიის წინ აქციას მართავენ — მათ კახა კალაძესთან შეხვედრა და მასთან თავიანთ სოციალურ პრობლემებზე საუბარი სურთ. ადგილზე მობილიზებულია საპატრულო პოლიციაც.

მანამდე კახა კალაძემ თვალჭრელიძის ქუჩაზე მისვლაზე უარი თქვა, რადგან მისი თქმით, აღნიშნული შენობა კერძო საკუთრებაა და მუნიციპალიტეტს არ ეხება.

ცნობისთვის, 24 ივლისს, თბილისში, თვალჭრელიძის ქუჩაზე მდებარე შენობიდან რამდენიმე ათეული ოჯახი გამოასახლეს და იმავე დღეს შენობის დემონტაჟი დაიწყეს. პროცესს პოლიციასთან დაპირისპირება და ხმაური მოჰყვა, რა დროსაც, სამართალდამცავებმა ადმინისტრაციული წესით 17 პირი დააკავეს.