თბილისის საერთაშორისო თეატრალური ფესტივალი თბილისის შემოდგომის ერთ-ერთი მთავარი მოვლენაა. ფესტივალი უკვე 17 წელია იმართება და ორ მთავარ პროგრამას — საერთაშორისო და ქართული სპექტაკლებს წარმოადგენს. ფესტივალი წელს თიბისი კონცეპტის და Visa-ს მხარდაჭერით 16 სექტემბერს სწორედ ქართული სპექტაკლების პროგრამით იწყება.

ფესტივალის საერთაშორისო პროგრამა კი, 21 სექტემბერს დაიწყება და საზოგადოების წინაშე წარსდგებიან — ისრაელის, დიდი ბრიტანეთის, საბერძნეთისა, ლატვიის, აშშ-ს თეატრისა და თანამედროვე ცეკვის ვარსკვლავები, იტაი ტაირანის რიჩარდ III (თეატრი გეშერი, ისრაელი), ივან ბლექსტოკის თრეფლორდი (დიდი ბრიტანეთი) დიმიტრის კანარზასის სახლი (ონასის სტეჯი, საბერძნეთი) და ალვის ჰერმანისის თეთრი ვერტმფრენი (ნიუ რიგა თეატრი, ლატვია).

სპექტაკლების განრიგსა და დეტალურ ინფორმაციას გაეცნობით ვებგვერდზე www.tbilisiinternatiional.com

სპექტაკლები გაიმართება თეატრი 42-ის, გრიბოედოვისა და მარჯანიშვილის თეატრის სცენებზე. ფესტივალის ფარგლებში ასევე ჩატარდება მასტერკლასები და ვორქშოფები, რომელიც დეკემბრის ჩათვლით გაგრძელდება.

მაყურებელს აქვს საშუალება შეიძინოს სპექტაკლების ბილეთებიც და აბონემენტებიც. შესაძენად ეწვიეთ ბმულს, სადაც თიბისი კონცეპტ Visa ბარათის მფლობელები 20% -იანი ფასდაკლებით ისარგებლებენ.