პროევროპულ აქციებში მონაწილეობის გამო დაკავებული 11 პირის პროცესზე დღეს დაკითხულმა გდდ-ს თანამშრომელმა დაადასტურა, რომ მასზე გაცემული აღჭურვილობა დანომრილი იყო. ამის შესახებ ინფორმაციას პუბლიკა ავრცელებს.

— ადვოკატი ირაკლი ჩომახაშვილი: 79 ნომერი რომ იყავით, სად გეწერათ ეგ?

— გდდ-ს წევრი, გურამ კვირიკაშვილი: ეგ ინდივიდუალურია... ჩაფხუტზე მეწერა შიგნიდან, გარედან ხილული არაა.

— ადვოკატი: 79 ხარო, ვინ გითხრათ.

— გდდ-ს წევრი: ხელმძღვანელმა, ავთანდილ მამალაძემ.

— ადვოკატი: როდის მოგანიჭათ ეს ნომერი?

— გდდ-ს წევრი: მას შემდეგ, რაც განსაკუთრებულ დავალებათა დეპარტამენტის [რიგებში] მიმიღეს.

ამ საკითხთან დაკავშირებით მანამდე გდდ ოფიციალურ სოციალურ ქსელში წერდა:

"გდდ-ს მოსამსახურეებზე სპეციალური საშუალებებისა და აღჭურვილობის გადაცემა ხორციელდება რაოდენობრივად, კონკრეტული ნომრის მითითების გარეშე… შესაბამისი დანაყოფების მიერ არ ხორციელდება მოსამსახურეთა აღრიცხვა ჩაფხუტის ნომრების შესაბამისად"


ცნობისთვის, 17 ივლისს ამავე საქმის პროცესზე გდდ-ს ორი თანამშრომელი — ლაშა გელაშვილი და გიორგი გობრონიძე დაიკითხნენ. მათ თქვეს, რომ აღჭურვილობაზე მაიდენტიფიცირებელი ნომრები ეწერათ.

ამავე თემაზე იხილეთ: