თბილისში დღეს, 14 იანვარს ორი ქსელური მაღაზია იუსკი და გრანდ ელექტრონიქსი გაქურდეს. ორივე შემთხვევას შინაგან საქმეთა სამინისტრო ქურდობის მუხლით იძიებს.

მთავარი არხისთვის მიცემულ კომენტარში გრანდ ელექტრონიქსის წარმომადგენელი ამბობს, რომ მათი მაღაზიიდან 20-ზე მეტი მობილური ტელეფონი მოიპარეს. ამავე არხთან იუსკის წარმომადგენელი აცხადებს, რომ მათი მაღაზიიდან სალარო ყუთი წაიღეს, თუმცა მასში ფული არ იყო.