ევროკავშირის ელჩი კარლ ჰარცელი სალომე ზურაბიშვილის განცხადებაზე გამოხმაურებისას ამბობს, რომ საქართველო ევროკავშირისთვის თავდაცვაში ძლიერი პარტნიორია. მთავარი არხის თარგმანის მიხედვით, კარლ ჰარცელი აღნიშნავს, რომ არ იცის პრეზიდენტის ზუსტი ციტატა, თუმცა ევროკავშირი პატივს სცემს ქართულ ჯარს:

"ქართველი ჯარისკაცები ძალიან კარგად ორგანიზებულები არიან. ისინი ცენტრალურ აფრიკასა და მალიში მისიებში მონაწილეობდნენ, რის გამოც ძალიან მადლიერები ვართ, იგივე შეიძლება ითქვას NATO-ზეც, ასევე, ავღანეთის მისიაზე".

სალომე ზურაბიშვილმა გუშინ, 10 დეკემბერს განაცხადა, რომ საქართველოს "არც ჯარი ჰყავს, არც იარაღი და არც ექნება".