ქართული ოცნების აღმასრულებელმა მდივანმა ირაკლი კობახიძემ ტელეკომპანია რუსთავი 2-ის ეთერში აბაშიძე-კარასინის ფორმატზე ისაუბრა. მისი თქმით, ეს პრაქტიკა აუცილებლად გაგრძელდება რადგან მას კონკრეტული შედეგები აქვს საგარეო პოლიტიკაში

"ეს არის ის ფორმატი, რომლის ფარგლებშიც წარმოებს თანამშრომლობა საქართველოსა და რუსეთს შორის, ეს არის ჩვენი პრაგმატული პოლიტიკის შედეგი და ამას მოჰყვა კონკრეტული შედეგი საგარეო პოლიტიკის მიმართულებით. ეს არის ის ფორმატი რომელსაც აქვს ძალიან ფართო მხარდაჭერა ჩვენი საერთაშორისო პარტნიორების მხრიდან. ეს ფორმატი არის შესანარჩუნებელი და აუცილებლად გაგრძელდება".

აბაშიძე კარასინის უკანასკნელი შეხვედრა 19 ოქტომბერს შედგა. რუსეთის ფედერაციის საგარეო უწყების განმარტებით, პრაღაში აბაშიძე-კარასინის შეხვედრის ფარგლებში მხარეებმა აღნიშნეს, რომ ორ ქვეყანაში სულ ცოტა ხნის წინ ჩატარებული საპარლამენტო არჩევნების შემდეგ, რუსეთიცა და საქართველოც სავაჭრო, სატრანსპორტო და კულტურულ-ჰუმანიტარულ სფეროებში დიალოგის გაგრძელებაში არიან დაინტერესებულები.

რატომ არის აბაშიძე-კარასინის ფორმატის არსებობის საჭიროება ბუნდოვანი