აშშ-ს ყოფილმა კანონმდებელმა, სტივ ლინდბერგმა კამერა მოიმარჯვა და სახლიდან იმის იმედად გავიდა, რომ საკუთარი ფეისბუქის გვერდისთვის ბუნების ამსახველ ლამაზ ფოტოებს გადაიღებდა. თუმცა, ის ვერც კი წარმოედგინა, რომ ეს მისი იღბლიანი დღე იყო.

საქმე ის არის, რომ სტივმა 3-რქიანი ირემი შენიშნა, რომელიც ველურ ბუნებაში საკმაოდ იშვიათად გვხვდება.

ფოტო: STEVE LINDBERG

მართალია, ის 2012 წლიდან მოყოლებული ტვირთავს ფეისბუქზე ბუნებაში გადაღებულ ფოტოებს, თუმცა, აქამდე, ასეთი მნიშვნელობის არც არაფერი გადაუღია.

ცივი ამინდის მიუხედავად კაცი გაყინულ მდინარესთან შეჩერდა. სწორედ იქ გამოჩნდა ნებისმიერი ველური ბუნების ფოტოგრაფისთვის საოცნებო ობიექტი.

"წარსულში ირმების ათასობით ფოტო მაქვს გადაღებული, თუმცა, როდესაც ის დავინახე, ვიგრძენი, რომ საქმე განსაკუთრებულ შემთხვევასთან მქონდა", — ამბობს სტივი.

სახლში მისულმა კადრების დათვალიერებისას აღმოაჩინა, რომ ეს ირემი მართლაც არ ჰგავდა სხვებს, რადგან თავზე მას ორის ნაცვლად, სამი რქა ჰქონდა.

ფოტოს კი სოციალურ ქსელში მალევე მოჰყვა დიდი გამოხმაურება და ველური ცხოველების ადგილობრივ ვეტერინარამდეც მიაღწია, რომელმაც განაცხადა, რომ ეს უიშვიათესი ირემია, რომელიც მილიონში ერთი იბადება ხოლმე.