ფინანსურმა პოლიციამ სახელმწიფო ქონების მოტყუებით დაუფლების ბრალდებით შვიდი პირი პასუხისგებაში მისცა, მათგან ორი დააკავეს. დაკავებულთაგან, ერთი - მცხეთის მუნიციპალიტეტის მოქმედი, ხოლო, მეორე ყოფილი თანამშრომელია.

გამოძიების ვერსიით, ბრალდებულებმა, ყალბი დოკუმენტების გამოყენებით დაარეგისტრირეს მცხეთის მუნიციპალიტეტის ტერიტორიაზე არსებული, 50 ათასი ლარის ღირებულების სახელმწიფოს კუთვნილი 4 700 მ² მიწის ნაკვეთი. უწყების მტკიცებით, ბრალდებულები გაყალბებული დოკუმენტების მეშვეობით შეეცადნენ საჯარო რეესტრში, რეგისტრაციაში გაეტარებინათ ხსენებული მიწის ნაკვეთის მომიჯნავე, 4 690 მ² მიწის ფართობი, რომლის ღირებულება 53 ათასი ლარს შეადგენს.

მცხეთის მუნიციპალიტეტის მოქმედი და ყოფილი თანამშრომელი სახელმწიფო ქონების მოტყუებით დაუფლების ბრალდებით

დღეისათვის, მიწის ნაკვეთი დაყადაღებულია, ტარდება შესაბამისი ღონისძიებები დანაშაულში შემჩნეული სხვა პირების დადგენა-მხილების მიზნით.

გამოძიება მიმდინარეობს საქართველოს სისხლის სამართლის კოდექსის 180-ე მუხლის მესამე ნაწილით, 362-ე მუხლის მეორე ნაწილითა და 341-ე მუხლით, რაც სასჯელის სახით ითვალისწინებს თავისუფლების აღკვეთას 6 დან 9 წლამდე ვადით.