რუსთავი 2-ის ტელეწამყვანი, ნანუკა ჟორჟოლიანი ამბობს, რომ მომავალში ნიკა გვრამიას მთავარ არხზე იმუშავებს. ამის შესახებ მან პარლამენტის წინ, #სირცხვილიას გადაცემაში განაცხადა.

რუსთავი 2-ის გენერალური დირექტორის თანამდებობიდან გათავისუფლების შემდეგ ნიკა გვარამიამ განაცხადა, რომ ახალ არხს ქმნის, რომელსაც მთავარი არხი ერქმევა.

ქიბარ ხალვაშის მიერ რუსთავის 2-ის გადაფორმებიდან ერთი თვის თავზე არხიდან გაათავისუფლეს საინფორმაციო სამსახურის უფროსი ნოდარ მელაძე. შვებულებიდან დაბრუნების შემდეგ კი გაათავისუფლებენ საზოგადოებრივი და პოლიტიკური ტოქ-შოუს მთავარ პროდიუსერს გიორგი ლაფერაშვილს; პოლიტიკური გადაცემების წამყვანებს, გიორგი გაბუნიასა და ეკა კვესიტაძეს და გასართობი გადაცემის ავტორსა და წამყვანს, ნანუკა ჟორჟოლიანს. ახალმა დირექტორმა, პაატა სალიამ მათი გათავისუფლების მიზეზად "ინტერესთა კონფლიქტი" და "შიდა ომები" დაასახელა.

ამასთანავე, რუსთავი 2 დატოვეს ცხრასაათიანი კურიერის წამყვანებმა, დიანა ჯოჯუამ და მიშა სესიაშვილმა