რუსთავი 2-ის გენერალური დირექტორის, პაატა სალიას თქმით, გიორგი გაბუნიას, გიორგი ლაფერაშვილს, ნანუკა ჟორჟოლიანსა და ეკა კვესიტაძეს შვებულებიდან დაბრუნების შემდეგ გაათავისუფლებს. ამის შესახებ მან დღეს, 20 აგვისტოს ბრიფინგზე განაცხადა.

მისივე თქმით, ნოდარ მელაძე არ არის შვებულებაში და ამ გადაწყვეტილებაზე დღეს პირადად აცნობა. პაატა სალია აცხადებს, რომ როცა კომპანია ფინანსური პრობლემების მოსაგვარებლად იბრძვის, მას "შიდა ომები" არ სჭირდება.

არხის დირექტორი განმარტავს, რომ ნანუკას ჟორჟოლიანის გათავისუფლების მიზეზი მისი საჯარო განცხადება გახდა, რომლის მიხედვით, ის ასაჩივრებს სტრასბურგის გადაწყვეტილებას.

"ნანუკა პირდაპირ აცხადებს, რომ მას სურს მესაკუთრის შეცვლა. ასეთ სიტუაციაში ერთად მუშაობა როგორ შეიძლება?" — ამბობს პაატა სალია.

რაც შეეხება ეკა კვესიტაძეს, პაატა სალიას თქმით, ის ნიკა გვარამიას მიერ დაფუძნებული ახალ ტელევიზიაში, მთავარ არხში გეგმავს მუშაობას.