ყველა დროის ერთ-ერთი ყველაზე ცნობილი ალბომის გარეკანის კოსმოსური წარმომავლობა
ასტროფიზიკოსი მანჩესტერის უნივერსიტეტიდან, პატრიკ უელტევრიდი, საუბრობს ჯოი დივიჟენის ალბომის, Unknown Pleasures-ისთვის პიტერ სევილის მიერ შექმნილ პულსარულ დიზაინზე და იმაზე, თუ რა აღმოჩენები გაკეთდა ვარსკვლავურ ნარჩენებზე 1979 წლიდან დღემდე.
40 წლის წინ ინგლისურმა პოსტ-პანკ ბენდმა, ჯოი დივიჟენმა ჩაწერა სადებიუტო სტუდიური ალბომი, Unknown Pleasures. ალბომის გარეკანზე, რომელზეც ერთი სიტყვაც არ წერია, გამოსახულია ახლა უკვე საყოველთაოდ ცნობილი და საკულტო, 80 ტალღოვანი ხაზისგან შემდგარი შავ-თეთრი მონაცემთა გრაფა. მარტივად რომ ვთქვათ, ეს კოსმოსიდან მოპოვებული მონაცემებია. ალბომის იუბილეს აღსანიშნად, მისი ჩაწერის ადგილიდან, Strawberry Studios-დან, სულ რაღაც 23 კილომეტრის დაშორებით არსებული ჯოდრელ ბენკის ობსერვატორიის რადიოტელესკოპის დახმარებით, Fast Company-მ იმავე კოსმოსური ობიექტის სიგნალი ჩაიწერა.
ალბომის გარეკანი პიტერ სევილს, გრაფიკულ დიზაინერსა და Factory Records-ის დამფუძნებელს ეკუთვნის. ამ დიზაინის შექმნის იდეა მას შემდეგ გაჩნდა, რაც ჯოი დივიჟენის ერთ-ერთი წევრი, ბერნარდ სამნერი მას ენციკლოპედიაში გადაეყარა. ნახატის ორიგინალი ეკუთვნის ასპირანტ ჰაროლდ კრაფტს, რომელმაც ეს სურათი თავის სადოქტორო დისერტაციას 1970 წელს, ანუ მას შემდეგ დაურთო, რაც 1967-ში ჯოსელინ ბელ ბარნელმა პულსარები აღმოაჩინა. მაგრამ კონკრეტულად რას აღნიშნავს ეს ტალღოვანი ხაზები?
კოსმოსის ამოუცნობი საგანძური
ამ იდუმალ სურათზე ასახულია ადამიანების მიერ ყველაზე პირველად აღმოჩენილი პულსარის, B1919+21-ის სიგნალი. პულსარი ჩვენს მზეზე რამდენიმეჯერ უფრო მასიური ვარსკვლავის ძალადობრივი სიკვდილის დროს ფორმირდება. როცა ვარსკვლავები სუპერნოვას სახელით ცნობილი აფეთქების შედეგად ქრებიან, მათი ბირთვი 10 კილომეტრის რადიუსის ზომამდე იკუმშება. იმას, რაც ამ მოვლენის შედეგად წარმოიქმნება, ნეიტრონული ვარსკვლავი ეწოდება.
ეს ვარსკვლავური ნარჩენი, რომელიც ამ ფორმითაც კი მზეზე ბევრად მასიურია, იმდენად მკვრივია, რომ წინამორბედი ვარსკვლავის ატომები სტრუქტურას ვერ ინარჩუნებენ; ისინი იშლებიან და ტოვებენ შედარებით პატარა ნაწილაკებს - ნეიტრონებს, რომლებიც ვარსკვლავის ქერქის ქვეშ უზარმაზარ ოკეანეს ქმნიან. პულსარები მუდმივად წრეზე აბრუნებენ ნეიტრონულ ვარსკვლავებს, რომელთა დანახვა დედამიწიდანაცაა შესაძლებელი. ბრუნვისა და მაგნიტური ველის დამსახურებით, რომელიც დედამიწის ველზე ტრილიონჯერ უფრო ძლიერია, ამ სუპერმაგნიტების სამხრეთ და ჩრდილოეთ პოლუსები ძლიერად კაშკაშებენ. ასეული წლის განმავლობაში მოგზაურობის შემდეგ კი B1919+21-დან წამოსული რადიაციის ნათებები დედამიწამდე ყოველ 1.34 წამში ერთხელ აღწევს.
პულსარებიდან წამოსული ეს ნათებები განსაკუთრებით კაშკაშა რადიოტალღურ სიხშირეებზეა, ამიტომ მათი სიგნალების ჩაწერა რადიოტელესკოპების საშუალებით შეიძლება. რადიოტელესკოპი მანქანაში დამონტაჟებული რადიოს მსგავსად მუშაობს - მისი ანტენა ფოკუსირდება კოსმოსიდან წამოსულ რადიოტალღებზე და გარდაქმნის მათ ელექტრონულ სიგნალად, რომელიც, თავის მხრივ, ხმად კონვერტირდება. Fast Company-მ ჩანაწერის გასაკეთებლად მანჩესტერის უნივერსიტეტში არსებული ჯორდელ ბენკის ობსერვატორიის რადიოტელესკოპი, Mark II გამოიყენა.
ალბომის გარეკანზე გამოსახული 80 ტალღოვანი ხაზი B1919+21-იდან წამოსული რადიოტალღების იმ 80 გამონათებას შეესაბამება, რომლებიც ნეიტრონულმა ვარსკვლავმა 107 წამის განმავლობაში 80 ბრუნვის შესრულებისას წარმოშვა. ყოველი გამონათება უნიკალურია. ზოგიერთი მათგანი მეტად კაშკაშაა, რაც სურათზე მაღალი ტალღით აისახება, ზოგიერთი კი - პირიქით, დაბინდული. პულსების ფორმა მუდმივად ცვალებადია. ერთი შეხედვით, ისინი არარეგულარული და ქაოტურნი არიან, მაგრამ ახალი გამოსახულება გარკვეული წესრიგის აღმოჩენის შესაძლებელობას გვაძლევს. ამ გამოსახულებაზე იმავე პულსარის იმავე სიხშირეზე ნაპოვნი იმავე რაოდენობის პულსია აღბეჭდილი, რაც ალმბომის გარეკანის დიაგრამაზეა დატანებული, მაგრამ მასზე, ამასთან, ზოლების დიაგონალური წყობაც შეინიშნება.
როდესაც ორიგინალი სიგნალი ჩაიწერა, არავინ იცოდა, თუ რატომ გამოსცემდნენ პულსარები ტალღებს ასეთი წყობით. დღეისათვის ჩვენ ვიცით, რომ რადიოტალღები ნეიტრონული ვარსკვლავის იმ ნაწილაკებიდანაა წარმოქმნილი, რომლებიც მათ თითქმის სინათლის სიჩქარით გასტყორცნიან. ნაწილაკები გარშემო არსებული იონიზირებული გაზისა და ვარსკვლავის ზედაპირს შორის გაჩენილი ელექტრული მუხტის დროს წარმოიშობა.
ამგვარად, არსებითად, ალბომის გარეკანზე ასახული რადიოტალღები გამოწვეულია კოსმოსში, ჩვენგან მრავალი სინათლის წლით დაშორებულ სივრცეში აღმოცენებული ელვით. ამინდის რუკა იმ ვრცელ ელვათა სისტემების ვიზუალიზაციაში გვეხმარება, რომლებიც პულსარის მაგნიტურ პოლუსებს ატრიალებენ. მათგან წამოსული ნათების წყობა მუდმივად იცვლება და პულსები ფორმას, ერთი შეხედვით, ქაოტაურად იღებენ. მაგრამ დიდი ხნის დაკვირვების შემდეგ თანმიმდევრული წყობის აღმოჩენაა შესაძლებელი.
ალბომ Unknown Pleasures-ის ჩაწერიდან ოთხი ათწლეულის შემდეგ ჩვენ უკვე ვიცით, რას ნიშნავს მის გარეკანზე გამოსახული ტალღოვანი ხაზები. მაგრამ კვლავ ბევრი კითხვა ჩნდება ამ იდუმალ ობიექტებზე, რომლებიც მრავალი კუთხით ბუნების ყველაზე რადიკალური ქმნილებები არიან. ერთი რამ, რისი დანამდვილებით თქმაც შეგვიძლია, ისაა, რომ პულსარის ჩანაწერები კაცობრიობას ფიზიკის კანონების შესახებ ცოდნის გაფართოებისკენ უბიძგებს.
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
კომენტარები