პარლამენტთან ნაციონალური მოძრაობის დეპუტატის, ნიკა მელიას მხარდასაჭერი აქცია მიმდინარეობს.

იურიდიულ და საპროცედურო საკითხთა გაერთიანებულ კომიტეტზე მხარი დაუჭირეს საქართველოს პროკურატურის მიმართვას ნაციონალური მოძრაობის დეპუტატის, ნიკა მელიას დაკავებასთან დაკავშირებით.

პროცედურის მიხედვით, საკითხი კომიტეტების დასკვნებით ბიუროს წარედგინება და შემდგომ, პარლამენტის პლენარული სხდომის დღის წესრიგში შევა. პლენარულ სხდომაზე ნიკა მელიას მანდატის შეჩერებასა და პატიმრობის ნებართვას დამსწრეთა ხმების უმრავლესობა სჭირდება, თუმცა ეს ხმები პარლამენტის დეპუტატების საერთო ოდენობის 1/3-ს უნდა აღემატებოდეს.