ევროპული საქართველოს წევრის, ნინო იმედაშვილის ქმარს, ლაშა ბრეგვაძეს სასტუმრო რედისონში შელაპარაკების შემდეგ თავზე დაზიანება მიაყენეს. ამის შესახებ ტაბულა წერს ნინო იმედაშვილზე დაყრდნობით. ამავე გამოცემის ცნობით, იმედაშვილის ქმარს რელიგიური და პოლიტიკური შინაარსის კამათის შემდეგ დაესხნენ თავს. ნინო იმედაშვილი იხსენებს, რომ მის ქმარს გასახდელში დახვდნენ და თავში მოუქნიეს, სავარაუდოდ, დანა. მისივე თქმით, კონფლიქრამდე ლაშა ბრეგვაძემ კრიტიკული აზრი გამოთქვა პრეზიდენტ სალომე ზურაბიშვილის ფოკაში ვიზიტზე, რომ რელიგია არ უნდა იყო აფარებული პოლიტიკას.

შინაგან საქმეთა სამინისტროში On.ge-ს უთხრეს, რომ ლაშა ბრეგვაძე უკვე გამოწერეს საავადმყოფოდან. უწყებაში ამბობენ, რომ მას, სავარაუდოდ, გასაღები ჩაარტყეს თავში. ამჟამად, კონფლიქტში მონაწილე ორივე მხარე დაკითხვაზეა. გამოძიება სისხლის სამართლის კოდექსის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.