"ცენტრალურმა შემსყიდველმა ორგანომ" სახელმწიფო უწყებების ავტოპარკის განახლების მიზნით მორიგი მსხვილი ტენდერი გამოაცხადა. ამჯერად გეგმაში 164 ერთეული ახალი ჰიბრიდული ავტომობილის შესყიდვაა, რომლის სავარაუდო ბიუჯეტი 10.16 მილიონ ლარს შეადგენს (დაახლოებით 61,950 ლარი თითოეულ ტრანსპორტზე). ინფორმაციას BMG ავრცელებს.

აღსანიშნავია, რომ ეს ბოლო პერიოდში გამოცხადებული ერთადერთი მსხვილი შესყიდვა არ არის — მიმდინარე წლის 22 ივნისს ამავე უწყებამ 592 ავტომობილის შესაძენად ჯამში 47 მილიონი ლარის ღირებულების ოთხი ტენდერი უკვე გაასაჯაროვა.

ახალი ტენდერის მიხედვით, შესასყიდი ტრანსპორტი რამდენიმე უწყებაზე გადანაწილდება:

  • შემოსავლების სამსახური — 85 ერთეული (ყველაზე დიდი წილი);

  • თავდაცვის სამინისტრო — 29 ერთეული;

  • სამხარაულის ექსპერტიზის ბიურო — 10 ერთეული;

  • სურსათის ეროვნული სააგენტო — 10 ერთეული;

  • სატენდერო პირობების თანახმად, ყველა ავტომობილი აუცილებლად 2026 წელს გამოშვებული უნდა იყოს. ამასთანავე, პრეტენდენტმა კომპანიებმა უნდა წარადგინონ მწარმოებლის ოფიციალური დილერობის დამადასტურებელი დოკუმენტი და უზრუნველყონ საგარანტიო სერვისი 150 000 კილომეტრის გარბენზე.

დაინტერესებულ კომპანიებს საკუთარი წინადადებების წარდგენა მიმდინარე წლის 1 და 2 ივლისს შეეძლებათ.