რუსთავი 2-ის ინფორმაციით, ზუგდიდში 87-ე უბანთან ზუგდიდის საოლქო საარჩევნო კომისიის მუდმივმოქმედი წევრის, ლელა ლაშხიას შვილმა ისროლა. ტელეკომპანიის ცნობით, მანქანა, საიდანაც გაისროლეს, ირაკლი ჩანგელიას ეკუთვნის.

ზუგდიდში გაერთიანებული ოპოზიციის დამკვირვებელმა, ზოია ქვარცხავამ თქვა, რომ 87-ე უბანთან უცნობმა პირმა გაისროლა. მისი თქმით, მანქანაში ორი ახალგაზრდა იჯდა. ის ამბობს, რომ მათთვის ფოტოს გადაღება მოასწარო და ის მოგვიანებით სამართალდამცველებს წარუდგინა. ზოია ქვარცხავას დაკითხვა ოთხი საათის განმავლობაში მიმდინაროებდა.

მოგვიანებით, გაერთიანებული ოპოზიციის ლიდერმა, თინა ბოკუჩავამ განაცხადა, რომ მათ მოახერხეს იმ პირის იდენტიფიცირება, რომელმაც 87-ე საარჩევნო უბანთან გაისროლა. მისივე ცნობით, გასროლა ფისტოლეტის ტიპის იარაღიდან განხორციელდა.

"ქალბატონმა ზოიამ შეძლო დაეფიქსირებინა მანქანის ნომერი. ჩვენ გაგვაჩნია ფოტომასალა და აღმოჩნდა, რომ ეს იყო იგივე მანქანა, რომელიც იმყოფებოდა საოლქო საარჩევნო კომისიაში 14 მაისს, სიების გატაცების მცდელობის დროს", — განაცხადა ბოკუჩავამ.

მისივე თქმით, ადამიანი, რომელმაც გაისროლა, ქართული ოცნების ზონდერია და მიმდინარეობს დაშინება ოპოზიიცის მხარდამჭერების. მან ასევე განაცხადა, რომ ქართულმა ოცნებამ იცის ვინ ისროლა, რადგან მისი ვინაობა თავადაც გაარკვიეს.

"ამ მანქანის მეპატრონე ირაკლი ჩაგელიაა, რონელიც დაბადებულია 1999 წელა, არის გალიდან", — თქვა ბოკუჩავამ. მან თავისი ბრიფინგზე ვიდეომასალაც გაასაჯაროვა

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 236-ე მუხლით დაიწყო, რაც იარაღის შეძენას, შენახვას ან გასროლას გულისხმობს.