შინაგან საქმეთა სამინისტროს ინფორმაციით, თელავში, უნივერსიტეტის ეზოში დაჭრის ფაქტზე ერთი პირი დააკავეს. უწყების განცხადებით, ბრალდებულმა ურთიერთშელაპარაკების ნიადაგზე იარაღიდან გასროლით დაზიანება მიაყენა ერთ პირს.

შსს-ში ამბობენ, რომ დაკავებისას ბრალდებულს თან ჰქონდა დანაშაულის ჩადენის იარაღი — მაკაროვის სისტემის პისტოლეტი და 14 ვაზნა.

საქმეზე გამოძიება ჯანმრთელობის განზრახ ნაკლებად მძიმე დაზიანების, ცეცხლსასროლი
იარაღის მართლსაწინააღმდეგო შეძენა-შენახვა-ტარების და ცეცხლსასროლი
იარაღის არაერთგზის მართლსაწინააღმდეგო დაუფლების მუხლებით მიმდინარეობს. ამ მუხლებით გათვალისწინებული დანაშაული 9-დან 13 წლამდე ვადით თავისუფლების აღკვეთას ითვალისწინებს.