გუშინ, 22 ივლისს ბათუმში, ფიროსმანის ქუჩაზე 31 წლის კაცს ესროლეს.

თვითმხილველები "ბათუმელებს" უყვებიან, რომ დამნაშავე ადგილზე მოპედით მივიდა, რამდენჯერმე გაისროლა და სწრაფად დატოვა იქაურობა. მას სახეზე ნიღაბი ეკეთა. შინაგან საქმეთა სამინისტროს სავარაუდო დამნაშავის დაკავებაზე ჯერ-ჯერობით ინფორმაცია არ გაუვრცელებია.

უწყების ინფორმაციით, გამოძიება მიმდინარეობს სსკ-ის 19-108-ე და 236-ე მუხლებით, რაც გულისხმობს განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას.

დაჭრილი კაცი ბათუმის ერთ-ერთ კლინიკაში რეანიმაციულ განყოფილებაშია — მისი ჯანმრთელობის მდგომარეობა მძიმეა და ხელოვნური სუნქთვის აპარატზე იმყოფება.