ვერაზე, ხორავასა და შანიძის ქუჩების კვეთაზე, სროლა იყო. ჟურნალისტ ეკა კვესიტაძის მიერ გავრცელებულ ვიდეოში ადგილზე მყოფი შსს-ს თანამშრომელი ადასტურებს, რომ 3 ადამიანია დაჭრილი.

"დიდი სროლა იყო ახლა ხორავა-შანიძის კუთხეში - სამი ადამიანია დაჭრილი. არადა, დილით დიდი კრიმინალი დაიჭირეს — ვახო სანაია. ყველაფერი რისი გაგებაც შევძელი ვიდეოში", — წერს ჟურნალისტი ეკა კვესიტაძე და ვიდეოს აქვეყნებს.

"ტვ პირველის" ინფორმაციით, ერთ-ერთი დაშავებული ხეჩინაშვილის სახელობის კლინიკაშია გადაყვანილი. მათვე ცნობით, დაჭრილი სამი პირიდან ერთი ქალია, ის ქუჩაზე მიდიოდა რა დროსაც ტყვია მოხვდა.

IPN წერს, რომ ამ წუთებში ვერაზე, იქ სადაც სროლა იყო, საგამოძიებო მოქმედებები მიმდინარეობს. პოლიცია შემთხვევის ადგილის მიმდებარედ, რამდენიმე ლოკაციაზე მუშაობს. შანიძის ქუჩაზე 4-5 სხვადასხვა მონაკვეთი სპეციალური ლენტითაა შემოსაზღვრული.

მათივე ცნობით, შანიძისა და ხორავას ქუჩების კვეთაზეც გაჩერებულია "ალფა რომეოს" მარკის ავტომობილი. მანქანას რამდენიმე ტყვიის კვალი ეტყობა.

ინფორმაცია განახლდება.