პანკისის ხეობაში სპეცოპერაციისას შედეგად გარდაცვლილი თემირლან მაჩალიკაშვილის მამა მალხაზ მაჩალიკაშვილი თელავის რაიონულმა სასამართლომ ადმინისტრაციულ სამართალდამრღვევად ცნო და 2000 ლარით დააჯარიმა.

მას ცენტრალური კრიმინალური პოლიციის დეპარტამენტის დირექტორის მოადგილე ირაკლი ჩიმაკაძის მიმართ "საჯარო სივრცეში გაკეთებული შეურაცხმყოფელი კომენტარის" დაწერას ედავებოდნენ.

ჩიმაკაძე ამ პოსტზე მიმდინარე წლის 8 ივლისს დაინიშნა. მანამდე ის შინაგან საქმეთა სამინისტროს ოპერატიული უზრუნველყოფის დეპარტამენტის დირექტორი იყო.