ფინანსთა სამინისტროს საგამოძიებო სამსახურის ინფორმაციით, კომერციული მოსყიდვის ბრალდებით საქართველოს რკინიგზის ორი თანამშრომელი დააკავეს.

მათი ცნობით, ბრალდებულებმა, რომლებსაც ქვეკონტრაქტორი კომპანიის მიერ განხორციელებულ სამუშაოებზე ზედამხედველობა ევალებოდათ, კომპანიის დირექტორს შესრულებული სამუშაოების საფასურად მიღებული თანხიდან, "ატკატის" სახით მოსთხოვეს და გამოართვეს 2 440 ლარი.

საქმეზე გამოძიება სისხლის სამართლის კოდექსის 221-ე მუხლის მეოთხე ნაწილით მიმდინარეობს, რაც კომერციულ მოსყიდვას გულისხმობს. ამ მუხლით გათვალისწინებულია პატიმრობა ოთხიდან ექვს წლამდე.