პარლამენტში უარყოფენ, რომ გუშინდელი "ღილაკების არევის" შემდეგ, დეპუტატებს ხმის მიცემის ინსტრუქცია დაახვედრეს. დღეს, 20 მარტს ევროპული საქართველოს დეპუტატმა, სერგო რატიანმა Facebook-ზე დაწერა, რომ პარლამენტში ინსტრუქცია დახვდათ, სადაც აღწერილია, როგორ უნდა განთავსდეს ბარათი ჭრილში, როგორ უნდა გაიარონ რეგისტრაცია და როგორ უნდა მისცენ ხმა.

როგორც პარლამენტის პრესსამსახურში On.ge-ს უთხრეს, დეპუტატებს ინსტრუქცია პარლამენტის ადგილმდებარეობის შეცვლის შემდეგ, თბილისში გადმოსვლის პირველ დღეს დახვდათ.

ფოტო: Sergo Ratiani / Facebook

ფოტო: Sergo Ratiani / Facebook

გუშინ, 2019 წლის 19 მარტს პარლამენტმა დიასპორის საკითხების კომიტეტის თავმჯდომარეობიდან ზვიად კვაჭანტირაძე არასაკამრისი ხმების გამო ვერ გადააყენა. მოგვიანებით, უმრავლესობის რამდენიმე დეპუტატმა განაცხადა, რომ მათ ღილაკები აერიათ.