SpaceX-ის წყალობით ილონ მასკი მსოფლიოში პირველი ტრილიონერი გახდა. თუმცა, ამ ისტორიულ მომენტამდე კომპანიის გენერალური დირექტორი აქტიურად ამტკიცებდა, რომ ერთ მშვენიერ დღეს ფულს ფასი დაეკარგება.

ერთ-ერთ ვიდეოში მასკმა განაცხადა: "ხელოვნური ინტელექტი და რობოტები იმდენ პროდუქტს აწარმოებენ და იმდენ სერვისს უზრუნველყოფენ, რომ ადამიანებს საქმე აღარ დარჩებათ". ილონის ლოგიკით, ამის შედეგად, საქონლისა და მომსახურების წარმოება ფულის მასის მიწოდებას გადააჭარბებს, რაც დეფლაციას გამოიწვევს. იაფი ავტომატიზებული შრომისა და ფულის მასის ზრდის შეჩერების პირობებში, ვალუტის საჭიროება უბრალოდ გაქრება.

ვფიქრობ, მომავალში ფული აქტუალურობას დაკარგავს, — აღნიშნა ტრილიონერმა

ფოტო: CNBC

მასკის წარმოდგენილი მომავალი, სადაც ფულის ქონა აზრს კარგავს, მკვეთრ კონტრასტშია მისივე უზარმაზარ ქონებასთან — ის ამჟამად $1.1 ტრილიონით მსოფლიოს უმდიდრესი ადამიანია.

ბიზნესმენმა პიტერ დიამანდისმა მასკთან საუბრისას სწორედ ამ ირონიაზე გაამახვილა ყურადღება:

ანუ, ზუსტად იმ დროს, როდესაც მულტიტრილიონერი ხდები, ფული ფასს კარგავს?

— დიახ, ასეა — უპასუხა მასკმა.

SpaceX-ის მიერ გასაჯაროებული მონაცემებით, მასკი კომპანიის აქციების დაახლოებით ნახევარს ფლობს. მათ შორისაა ის აქციებიც, რომლების ღირებულებაც შეიძლება შორეულ მომავალში სხვადასხვა მიღწევისთვის გამოიმუშაოს (როგორიცაა კოსმოსში მონაცემთა ცენტრების გაშვება და მარსზე ადამიანთა დასახლების შენა). ახალი IPO-ს ფასის მიხედვით, მასკის ეს აქციები SpaceX-ში დაახლოებით $867 მილიარდადაა შეფასებული. ილონის კუთვნილ Tesla-ს წილთქმან ერთად, მასკის აქციების ღირებულება ამ ორ კომპანიაში ჯამურად $1.1 ტრილიონზე მეტს შეადგენს.

ილონის ქონება ამ ყველაფრის გათვალისწინებით მსოფლიოს მომდევნო 3 უმდიდრესი ადამიანის ერთად აღებულ ქონებას უტოლდება.

ასევე იხილეთ: