2019 წელს ჩვენს ცხოვრებაში 230 ახალი ემოჯი გამოჩნდება. უნიკოდის კონსორციუმმა ემოჯიების ოფიციალური სია უკვე გაავრცელა.

მათ შორისაა სისხლის წვეთის ემოჯი, რომელსაც მენსტრუაციის წინააღმდეგ არსებული სტიგმის შემცირებას უკავშირებენ.

"სიხარულით გვინდა გაცნობოთ, რომ მალე გვექნება მენსტრუაციის ემოჯი, რომელიც მარტიდან გამოჩნდება", - წერია PlanInternational UK-ის ტვიტერზე.

2017 წელს გაერთიანებულ სამეფოში ჩატარებული The Global Girl's Rights Charity Plan International-ის გამოკითხვით გაირკვა, რომ გოგოები და ქალები ჯერ კიდევ გრძნობენ სირცხვილს მენსტრუაციის შესახებ, როცა ამაზე საუბარი მეგობრებთან და ოჯახის წევრებთან უწევთ.

სხვა ემოჯიების დამატება ანდროიდისა და iOS-ის ოპერაციულ სისტემებში აპრილიდან დაიწყება და წლის ბოლომდე გაგრძელდება.