უნიკოდის კონსორციუმმა 2019 წლისთვის დასამატებელი ემოჯიების ოფიციალური სია გაავრცელა, რომელშიც 230 ახალი ემოჯია, მათ შორის არის მთქნარების პროცესში მყოფი სახე, თეთრი გული და ბწკენის სიმბოლო.

მიუხედავად იმისა, რომ ახალი სია უკვე მზად არის, მის მომხმარებლებამდე მიტანას რამდენიმე თვე დასჭირდება. ემოჯიების დამატება ანდროიდისა და iOS-ესის ოპერაციულ სისტემებში აპრილიდან დაიწყება და წლის ბოლომდე გაგრძელდება.

ფოტო: EMOJIPEDIA

ახალ ემოჯიებში უფრო მრავალფეროვანი ხდება ცხოველთა სიაც, რომელსაც ზარმაცა, ორანგუტანი, წავი, ფლამინგო და სკუნსი დაემატება. მატებაა კვების დეპარტამენტშიც, რომელსაც ვაფლი, კარაქი, ხახვი, ნიორი და წვენი დაემატა.

გულის, წრისა და კვადრატის სიმბოლოები კი ბევრად უფრო ფერადი გახდება, ახალ ფერებს შორისაა თეთრიც.

ფოტო: Emojipedia

2019 წლის ემოჯიებში შევხვდებით სხვადასხვა კულტურის წარმომადგენლებსაც - ინდუისტურ ტაძარს, ფალაფელს და მატეს (სასმელი). ასევე უსინათლოებისა და სმენადაქვეითებულთა აღმნიშვნელ სიმბოლოებსაც, ისევე როგორც კიდურის პროთეზებისა და ეტლის ემოჯიებს.

სრული სიის ნახვა აღნიშნულ ბმულზე შეგიძლიათ.