შინაგან საქმეთა სამინისტრომ შვიდი ძროხის ქურდობის საქმეზე სამი მოქალაქე გამოავლინა. მათგან ორი დააკავს, ერთს კი ბრალი დაუსწრებლად წაუყენეს.

"გამოძიებამ დაადგინა, რომ ბრალდებულებმა ბოლნისის რაიონის სოფელ რაჭისუბანში, საძოვრიდან შვიდი სული მსხვილფეხა პირუტყვი მოიპარეს, რომლებიც შემდეგ გაყიდეს", — აღნიშნულია შსს-ს განცხადებაში.

საქმეზე გამოძიება სისხლის სამართლის კოდექსის 177-ე მუხლის მესამე ნაწილის "ა" ქვეპუნქტითა და მეოთხე ნაწილის "ბ" ქვეპუნქტით მიმდინარეობს. ბრალის დამტკიცების შემთხვევაში სამივე მათგანს ექვსიდან ათ წლამდე პატიმრობა ელოდებათ.