"პალიტრანიუსის" გადაცემაში "თავისუფალი სტუდია" პოლიტიკოსმა დიმიტრი ცქიტიშვილმა ქართული ოცნების ლიდერების ბოლოდროინდელი, კერძოდ, დანიაში აქციების დაშლის დროს ძალის გადამეტების შემთხვევებზე გაკეთებული განცხადებები შეაფასა და აღნიშნა, რომ ამით ხელისუფლების წარმომადგენლები ევროკავშირისგან დისტანცირებას ახდენენ.

"უნდა ვიყოთ მზად იმისთვის, რომ გუშინწინდელი განცხადების შემდეგ, ისინი უკვე ტკეპნიან აზრს, რომ საქართველომ უარი უნდა თქვას ევროკავშირზე. ახლა დათქმებითაა — ჩვენ არ გვინდა ასეთი ევროპა, ჩვენ არ გვინდა ასეთი გზა, ჩვენ არ გვინდა დანიის მსგავსი ევროპა. დღეს კიდევ დაამატეს კლიპი, დემონსტრანტს როგორ აკავებენ ბერლინში, დღეს ჰქონდათ "ქარდი", რომ პოლიციამ ძალას გადააჭარბა მანჩესტერში. ეს ნიშნავს იმას, რომ ევროპის მიმართ დისტანცირებას ახდენენ, თავის ამომრჩეველს ამზადებენ. ვფიქრობ, ძალიან დიდი შეურაცხყოფას აყენებენ თავის მხარდაჭერებს, როცა ფიქრობენ, რომ მარტივი ტყუილით დააჯერებენ, რომ დანიის მსგავსი ევროკავშირი ჩვენ არ გვინდა, იმიტომ, რომ ჩვენ ბევრად უკეთესად ვცხოვრობთ ქართული ოცნების პირობებში ან დანიის პოლიცია იმდენად ბრუტალურია, რომ ხარება მასთან ანგელოზია. თავისი ამომრჩეველი უნდათ დაარწმუნონ, რომ დანიაზე უკეთესი საქართველო ააშენეს", — განაცხადა დიმიტრი ცქიტიშვილმა.