სომხეთსა და საქართველოს შორის ურთიერთობები არაფერ შუაშია მესამე მხარეებთან ურთიერთობასთან. ამ ურთიერთობებს აქვს სტრატეგიული, ისტორიული, ძმური ხასიათი და ასე დარჩება. როგორც "არმენპრესი" იტყობინება, ეს განცხადება სომხეთის პრემიერმინისტრმა ნიკოლ ფაშინიანმა ბრიფინგზე გააკეთა.

ჟურნალისტის კითხვაზე, რომელიც ეხებოდა საქართველოს პრემიერმინისტრ ირაკლი კობახიძის განცხადებას, რომ ევროკავშირი ვერ შეძლებს სომხეთ-საქართველოს ურთიერთობების გაწყვეტას, ფაშინიანმა აღნიშნა, რომ საქართველო მნიშვნელოვან როლს ასრულებს სომხეთ-ევროპის ურთიერთობების კონტექსტში.

"საქართველოსთან დაკავშირებით, მე ნათლად განვაცხადე, რომ საქართველო ძალიან მნიშვნელოვან როლს ასრულებს სომხეთ-ევროპის ურთიერთობებში და ჩვენ ძალიან შეშფოთებულები ვართ ამ სიტუაციით. გვჯერა, რომ ეს სიტუაცია მოგვარდება", — თქვა პრემიერმინისტრმა.

მან ასევე ხაზგასმით აღნიშნა, რომ სომხეთსა და საქართველოს შორის ურთიერთობები არ არის განპირობებული სხვა ქვეყნებთან ან ასოციაციებთან ურთიერთობებით.

"სომხეთსა და საქართველოს შორის ურთიერთობებს არაფერი შუაშია მესამე მხარესთან ურთიერთობასთან. და, ბუნებრივია, ამ ურთიერთობებს აქვს სტრატეგიული, ისტორიული, ძმური ხასიათი და ასე დარჩება. სხვა სცენარი უბრალოდ არ შეიძლება იყოს", — აღნიშნა ფაშინიანმა.