შინაგან საქმეთა სამინისტროს ინფორმაციით, თბილისში, ვარკეთილში მანქანის ქურდობის მცდელობის ბრალდებით ერთი პირი დააკავეს. შემთხვევა რამდენიმე დღის წინ, 8 იანვარს მოხდა.

"გამოძიებით დადგინდა, რომ ბრალდებულმა სხვისი ნივთის ფარულად დაუფლების მიზნით, ავტომობილის საქარე მინა დააზიანა და მანქანის სალონში შეღწევას ცდილობდა, რა დროსაც სამართალდამცველებმა დააკავეს", — აღნიშნულია განცხადებაში.

საქმეზე გამოძიება სისხლის სამართლის კოდექსის 19-117 მუხლებით მიმდინარეობს. ამ მუხლებით სისხლისსამართლებრივი პასუხისმგებლობა ქურდობის მცდელობისთვის დგება.