ქართველი MMA მებრძოლი, UFC-ის ჩემპიონი მერაბ დვალიშვილი ჯას­ტინ გე­ი­ჯთან ილია თო­ფუ­რი­ას მარცხს ვიდეომიმართვაში ეხმაურება და მას მალე გამოჯანმრთელებას უსურვებ. ამავე ვიდეოში დვალიშვილი ამერიკელ ინფლუენსერ ნინა დრამასაც ახსენებს და ამბობს, რომ არ ესიამოვნა ვიდეო, სადაც ნინა დრამა გეიჯის გამარჯვებაზე სიხარულს გამოხატავს.

"რაც შეეხება დანა უაითს, ის არის ბიზნესმენი, UFC-ის პრეზიდენტი რომელიც როგორც UFC-ის ბიზნესს აწყობს ისე იქცევა ხოლმე. მე ბევრ რამეში კი არ ვეთანხმები დანა უაითს, მაგრამ როგორც მას აწყობს, როგორც უფრო მეტ ფულს იშოვის, როგორც უფრო მეტ პოპულარობას მოუტანს UFC-ის ისე იქცევა ხოლმე და, რა თქმა უნდა, ჩვენ ერთმანეთს ვხოცავთ და წავაგებთ თუ მოვიგებთ, მაგას თავისი შოუ აქვს მაგას აწყობს და მაგას უხარია.

რაც შეეხება ნინა დრამას. ნინა დრამა არის ჩემი მეგობარი, ამერიკელი ინფლუენსერი და შეცდომებს უშვებს როგორც ყველა ადამიანი. არც მე მესიამოვნა ეგ ვიდეო, როდესაც ვნახე, ჯასტინ გეიჯმა რომ გაიმარჯვა, სალტო გააკეთა და გახარებული დარბოდა იქით-აქეთ, ნინა დრამამ "ვაუო", ტაში დაუკრა და გამარჯვებულს მიულოცა. როგორც ქართველისთვის, ჩემთვისაც გულგასატეხი იყო ნინა დრამას რეაქცია და არ მესიამოვნა. მაგრამ ველაპარაკე მას და თავისი ახსნა აქვს. მოკლედ, ნინა დრამაც ჩვეულებრივი ადამიანია.

მე კი იცით, რა გიჟი ვარ. ისიც კი იცით რომ ილია ჩემი ძმაა და ილიაზე ცუდის მთქმელის დედა ვატირე, შევჭამ. ერთი წამით არ დავახამხამებ თვალს, რომ ეგრევე ფიზიკურად ვიმოქმედო. ვენაცვალე ილიას ოჯახს, და ილიას შრომას და ილიას თავდადებას. მალე გამოჯანმრთელება ჩვენ ძმას. მალე ქამარსაც დაიბრუნებს და გამარჯვებების სერიასაც გააგრძელებს", — აცხადებს მერაბ დვალიშვილი თავის ვიდეომიმართვაში.

კიდევ ერთ ვიდეოში მერაბ დვალიშვილი აცხადებს, რომ გავრცელებული ხმები იმის შესახებ, რომ ილია თოფურიამ ბრძოლა გაყიდა, სიმართლეს არ შეესაბამება.

"ვინც ფიქრობს, რომ ილია თოფურიამ ბრძოლა გაყიდა, ყველა იმის "შუბა" დავხიე და ვინც ფიქრობს, რომ ვინმემ ილია თოფურია სარდაფში ჩაიყვანა, დაემუქრა, ან ჩხუბის დათმობა უთხრა და ილია თოფურიამ ჩხუბი დათმო ვიღაცის გამო, რაღაცის გამო, ყველა იმის "შუბა" დავხიე და ვინც ფიქრობს, რომ მე შეიძლებოდა ჩემი ბოლო ბრძოლა გამეყიდა, ან მომავალში გავყიდი, ყველა იმის "შუბა" გავხიე", — ამბობს მერაბ დვალიშვილი.

შეგახსენებთ, რომ 14 ივნისს ამერიკის 250-ე დაბადების დღესთან დაკავშირებით, თეთრმა სახლმა UFC-ს ისტორიული Freedom 250 საბრძოლო სერიას უმასპინძლა. ოქტაგონზე, მსუბუქი დივიზიონის (70კგ) საჩემპიონო ბრძოლაში, ამერიკელმა ჯასტინ გეიჯმა ქართველი ილია თოფურია დაამარცხა.

ორთაბრძოლა ოთხ რაუნდს გაგრძელდა, მიღებული დაზიანებების გამო ილია თოფურიამ ბრძოლის გაგრძელება ვეღარ შეძლო.