ტომ ჰოლანდის აზრით, შემდეგი ადამიანი ობობა ოუენ კუპერი ან ვინმე სრულიად ახალი სახე უნდა გახდეს.

თავისი წინამორბედებისგან — ტობი მაგუაირისა და ენდრიუ გარფილდისგან — განსხვავებით, ჰოლანდი ადამიანი ობობას რიგით მეოთხე ფილმისთვის ემზადება. შეგახსენებთ, რომ მაგუაირმა Sony-ს ორიგინალური ტრილოგიის სამ ფილმში მიიღო მონაწილეობა, გარფილდმა კი ადამიანი ობობას როლი მხოლოდ ორ ფილმში შეასრულა.

ფოტო: Sony

ჰოლანდმა ინტერვიუში აღნიშნა, რომ სიამოვნებით დარჩებოდა ადამიანი ობობას სამყაროს ნაწილი პროდიუსერის ამპლუაში. ჰოლანდს სურს, ახალბედა მსახიობს ისეთივე მენტორობა გაუწიოს, როგორიც თავის დროზე მას Marvel-ის კინოსამყაროში რობერტ დაუნი უმცროსმა გაუწია.

"დიდი სიამოვნებით ვიქნებოდი მენტორი შემდეგი მსახიობისთვის, ისევე, როგორც რობერტ დაუნი იყო ჩემთვის პირველ სამ ფილმში", — განმარტა მან და დაამატა, რომ ამ როლისთვის ერთ-ერთი საუკეთესო კანდიდატი სწორედ კუპერია.

ოუენ კუპერი შესანიშნავი იქნებოდა. ის აშკარად ძალიან ნიჭიერია, ყველა მასზე ლაპარაკობს, — თქვა ჰოლანდმა.

მსახიობმა ასევე აღნიშნა, რომ ეს როლი შესანიშნავი შესაძლებლობა იქნებოდა რომელიმე სრულიად ახალი სახისთვისაც.

ჰოლანდის ეს არჩევანი მოულოდნელი არ ყოფილა, რადგან კუპერმა 2025 წლის მარტში თავად განაცხადა, რომ ადამიანი ობობას როლის მორგება სურს.

კუპერმა საზოგადოების ყურადღება სერიალ Adolescence-ში შესრულებული მთავარი როლით მიიპყრო. ახალგაზრდა მსახიობმა სერიალში თავისი შესრულებისთვის ყველა ის მთავარი ჯილდო მოიპოვა, რომელზეც ნომინირებული იყო და არაერთი რეკორდიც მოხსნა. Adolescence-ის გადაღებების დროს ოუენი სულ რაღაც 14 წლის იყო.

ფოტო: Netflix

ასევე იხილეთ: