რუსეთის პრეზიდენტმა, ვლადიმერ პუტინმა განაცხადა, რომ ის მზადაა შეხვდეს ამერიკის შეერთებული შტატების პრეზიდენტს, დონალ ტრამპს ნოემბრის დასაწყისში პარიზში ვიზიტისას. ამის შესახებ ვლადიმერ პუტინმა ეროვნული უსაფრთხოების საკითხებში აშშ-ის პრეზიდენტის მრჩეველთან შეხვედრაზე განაცხადა.

პუტინის თქმით, აშშ-რუსეთის ლიდერების შეხვედრა მიუხედავად განსხვავებული დამოკიდებულებებისა მნიშვნელოვანია. ბოლტონის ვიზიტი რუსეთში მოჰყვა ტრამპის განცხადებას, რომლის მიხედვითაც აშშ რუსეთთან ბირთვული იარაღის შეთანხმებას ტოვებს.

პუტინის განცხადებით, მისი ბოლო შეხვედრა დონალ ტრამპთან ჰელსინკში იყო ნაყოფიერი და დასძინა, რომ თუ დონალდ ტრამპი დათანხმდება, მზად არის კიდევ ერთხელ შეხვდეს.

ბოლტონმა განაცხადა, რომ ტრამპი მოხარული იქნება, თუ პარიზში პუტინს შეხვდება.

საფრანგეთის დედაქალაქში 11 ნოემბერს პირველი მსოფლიო ომის დასრულების 100 წლისთავთან დაკავშირებით, ღონისძიებაა დაგეგმილი.