პირველი ოქტომბრიდან 31 დეკემბრის ჩათვლით თბილისის რეფერალური ჰოსპიტალი ქალებს, რომლებიც ფიზიოლოგიურად იმშობიარებენ, უფასოდ მოემსახურება. ასევე ახალშობილებს საჩუქრად 100-ლარიანი ანაბარი გადაეცემა.

აქციის ფარგლებში დედები, სამედიცინო სერვისით ორი თვის განმავლობაში 30%-იანი ფასდაკლებით ისარგებლებენ.

განახლებულ თბილისის რეფერალურ ჰოსპიტალში მე-3 დონის პერინატალური ცენტრი წარმატებით ფუნქციონირებს, რომელიც ორსულობის პერიოდს 28 კვირიდან მშობიარობამდე და ახალშობილის პირველი შვიდი დღის სამედიცინო მონიტორინგს გულისხმობს.

ჰოსპიტალში პერინატალური ცენტრი 24 საათის განმავლობაში ფუნქციონირებს, რომელიც ორსულობასთან დაკავშირებული ყველა სახის პათოლოგიური შემთხვევების მართვას და ყველა პროფილით გადაუდებელ სამედიცინო დახმარებას უზრუნველყოფს.

საავადმყოფოს მისამართია ქინძმარაულის ქ. #1, შესახვევი 1 (ყოფილი 31-ე ქარხნის სავადმყოფო).