მოსკოვში გამარჯვების დღის 81-ე წლისთავისადმი მიძღვნილი უცხოელი სტუმრების სია ჯერ არ არის საბოლოოდ დადასტურებული, მაგრამ უკვე ცხადია, რომ ის გასულ წელთან შედარებით მნიშვნელოვნად შემცირებული იქნება. თუ 2025 წელს ტრიბუნაზე თითქმის 30 ქვეყნის ლიდერი იმყოფებოდა, ახლა საპატიო სტუმრების რაოდენობა 15-მდეა, მათ შორის არიან საქართველოს ოკუპირებული ტერიტორიების, აფხაზეთისა და სამხრეთ ოსეთის ე.წ. პრეზიდენტები — ბადრა გუნბა და ალან გაგლოევი.

ვინ მიიღებს მონაწილეობას აღლუმში?

საზეიმო მსვლელობაში მონაწილეობას მიიღებენ აღლუმის დანაყოფები 13 ქვეყნიდან: ბელარუსი, ყაზახეთი, ყირგიზეთი, ტაჯიკეთი, თურქმენეთი, უზბეკეთი, აზერბაიჯანი, ჩინეთი, ეგვიპტე, ლაოსი, მონღოლეთი და მიანმარი.

2026 წლის მთავარი სიახლე აღლუმზე მძიმე ჯავშანტექნიკის ჩვენების გაუქმებაა. რუსული მედიის ნობით, ეს გადაწყვეტილება ოპერატიული სიტუაციისა და ტერორისტული თავდასხმების საფრთხის გათვალისწინებით რისკების მინიმიზაციის მიზნით იქნა მიღებული. თუმცა, საჰაერო კომპონენტი სრულად ფუნქციონირებას განაგრძობს: თვითმფრინავები წითელ მოედანზე იფრენენ, ხოლო სუ-25-ის თავდასხმის თვითმფრინავები ტრადიციულად ცას რუსული სამფეროვანი დროშის ფერებში შეღებავენ.

რომელმა ქვეყნებმა დაადასტურეს მონაწილეობა?

კრემლმა წინასწარ გამოაცხადა "რამდენიმე უცხოელი ლიდერის"“ ჩამოსვლის შესახებ, მაგრამ სრული სია არ გაამჟღავნა. ოფიციალურ ინფორმაციაზე დაყრდნობით წყაროები იუწყებიან ბელორუსის პრეზიდენტის ალექსანდრე ლუკაშენკოს, ყაზახეთის პრეზიდენტის კასიმ-ჟომარტ ტოკაევის, ყირგიზეთის პრეზიდენტის სადირ ჯაპაროვის და ტაჯიკეთის ლიდერის ემომალი რაჰმონის მოსკოვში ვიზიტების შესახებ.

ერთ-ერთი ყველაზე განხილვადი სტუმარი, სავარაუდოდ, სლოვაკეთის პრემიერმინისტრი რობერტ ფიცო იქნება, რომელმაც დაადასტურა დასწრების განზრახვა, მიუხედავად იმისა, რომ ბალტიისპირეთის ქვეყნებმა მისთვის საჰაერო სივრცე დახურეს.

როგორც უკვე ითქვა, მოსკოვში ჩასვლა დაადასტურეს საქართველოს ოკუპირებული ტერიტორიების აფხაზეთისა და სამხრეთ ოსეთის ე.წ. პრეზიდენტებმა, ასევე მალაიზიის მეფე სულთან იბრაჰიმმა. ისინი მოსკოვში დღესასწაულამდე რამდენიმე დღით ადრე ჩავიდნენ. ლაოსის პრეზიდენტი ტონგლოუნ სისულითი ასევე ეწვევა მოსკოვს სამთავრობო დელეგაციის შემადგენლობაში.

ვისი მონაწილეობაა კითხვის ნიშნის ქვეშ?

ოფიციალური სიების კონფიდენციალურობის გამო, რამდენიმე მაღალი თანამდებობის პირის ჩამოსვლა არ დადასტურებულა. მაგალითად, ჩინეთის პრეზიდენტის სი ძინპინის მონაწილეობა ჯერ არ დადასტურებულა, რაც წინა ტრადიციებიდან გადახვევაა.

ვინ არ დაესწრება გამარჯვების დღის აღლუმს?

რუსული მედიის ცნობით, 9 მაისის აღლუმს არ დაესწრებიან: სერბეთის (ალექსანდრე ვუჩიჩი), თურქეთის (რეჯეპ ერდოღანი), ბრაზილიის, ინდოეთის და კუბის პრეზიდენტები.