ჟურნალისტ გელა მთივლიშვილზე თავდასხმის ფაქტზე გამოძიება სსკ-ის 126-ე მუხლით დაიწყო, რაც ძალადობას გულისხმობს — ინფორმაცია შსს-მ NEWS.On.ge-ს დაუდასტურა.

შეგახსენებთ, ჟურნალისტმა სოციალურ ქსელში დაწერა, რომ მას თავს დაესხნენ.

"ეთერიდან გამოსვლისთანავე თავს დამესხა ჰესების ლობისტი, ქართული ოცნების მოძველბიჭო ელემენტი მარგებაძე. სახე მაქვს დაზიანებული. მივედი პოლიციაში. პასუხს აგებს!" — წერს ჟურნალისტი გელა მთივლიშვილი სოციალურ ქსელში.