კოალიცია ცვლილებისთვის წევრს, აქტივისტ გელა ხასიას პროკურატურამ საპროცესო შეთანხმება გაუფორმა. ბრალდების მხარემ დააყენა შუამდგომლობა, რომ გელა ხასაიასთან გაფორმებული საპროცესო შეთანხმება დამტკიცებულიყო, რაც მოსამართლემ დააკმაყოფილა. მან ბრალი აღიარა.

ხასაია ციხეში 1 წელს გაატარებს, ხოლო 3 წელი პირობითი მსაჯვრის ქვეშ იქნება. ის საპატიმროს სექტემბერში დატოვებს.

შეგახსენებთ, გელა ხასაია 29 სექტემბერს, გვიან ღამით დააკავეს. მას ბრალი სისხლის სამართლის კოდექსის 118-ე მუხლის მეორე ნაწილით ჰქონდა წარდგენილი, რაც ჯგუფურად ჩადენილ ჯანმრთელობის განზრახ ნაკლებად მძიმე დაზიანებას გულისხმობს.

პროკურატურა გელა ხასაიას და ვასილ ქერდიყოშვილს ჯგუფურ ძალადობას ედავება. პროკურატურის განმარტებით, ხასაიამ და ქერდიყოშვილმა ვაგზლის მოედნის მიმდებარე ტერიტორიაზე, რამაზ ჩადუნელს ჯანმრთელობის დაზიანება მიაყენეს — მიუხედავად ჯგუფური ძალადობის მუხლისა, ბრალდებულები აცხადებენ, რომ ერთმანეთს არ იცნობენ. 3 დეკემბერს, ვასილ ქერდიყოშვილმა ბრალი აღიარა და 2025 წლის 20 ნოემბერს პროკურატურასთან საპროცესო შეთანხმება გააფორმა.