უმრავლესობის წევრის, გედი ფოფხაძის თქმით, კანაფის მოხმარების რეგულაციის განხილვის პროცესში სასულიერო პირების მონაწილეობა "პოზიტიური მოვლენაა".

"მგონია, რომ გამორიცხავს შესაძლო მორალს მოკლებული გადაწყვეტილების მიღებას ჩვენი მხრიდან და ეს არის ძალიან დიდი მხარდაჭერა ჩვენთვის. კიდევ ერთხელ დიდი მადლობა. ჩვენ ერთად ვაკეთებ იმ საქმეს, რისიც გვწამს და გვგონია, რომ სწორია", - გაბაცხადა ფოფხამძე.

მართლმადიდებელი ეკლესიის სასულიერო პირები პარლამენტში იურიდიული კომიტეტის სხდომას ესწრებიან, სადაც პირველი მოსმენით კანაფის მოხმარების რეგულაციებს განიხილავენ. ახალი საკანონმდებლო რეგულაციები მას შემდეგ შემუშავდა, რაც საქართველოს საკონსტიტუციო სასამართლოს გადაწყვეტილებით მარიხუანის მოხმარება დასჯადი ქმედება აღარ არის.

საქართველოს პარლამენტში შინაგან საქმეთა სამინისტრომ ორი კანონპროექტი წარადგინა, ერთი მარიხუანის მოხმარების რეგულირებას ეხება, ხოლო მეორე, კანაფის სამედიცინო მიზნით წარმოებასა და ექსპორტს.

აღნიშნულ კანონპროექტებს მართლმადიდებელი ეკლესიის მღვდელთმსახურების კრიტიკა მოჰყვა. ეკლესიის წინააღმდეგობის გამო, საპარლამენტო უმრავლესობამ კანაფის ექსპორტის მიზნით წარმოების კანონპროექტის განხილვა გადაავადა, ხოლო მოხმარების რეგულირების შესახებ კანონპროექტის განხილვა არ შეუჩერებია.

საქართველოს პარლამენტმა საზოგადოებასა და ეკლესიას კანაფის ექსპორტის შესახებ კანონპროექტის განხილვაში ჩართვა შესთავაზა. დეკანოზმა შალვა კეკელიამ განაცხადა, რომ მართლმადიდებელი ეკლესია განხილვებში მონაწილეობას არ აპირებს.

საქართველოს საპატრიარქომ განცხადება გაავრცელა, სადაც აღნიშნა, რომ სრულიად მართმადიდებელი ეკლესია და მრევლი ეწინააღმდეგება ნებისმიერი მიზნისთვის მარიხუანის რეალიზაციის ლეგალიზებას.

ამავე თემაზე: