საქართველოს პრეზიდენტმა, გიორგი მარგველაშვილმა განაცხადა რომ ხელისუფლება მიიყვანა იქამდე, რომ საპრეზიდენტო არჩევნებზე კანდიდატი ვერ დაესახელებინათ. ამის შესახებ მან ინგა გრიგოლიას გადაცემა რეაქციაში ისაუბრა.

"დაახლოებით ერთი წლის განმავლობაში ამას ვამტკიცებდი თუ რატომ ვერ დააყენებს ხელისუფლება კანდიდატს და რომ არ უნდა დააყენოს. მივიყვანე აქამდე? ხომ ძალიან არაორდინალური ნაბიჯია.

იმ ფონზე, როდესაც ისინი ამბობდნენ რომ ასეთ კანდიდატი ეყოლებოდათ იქამდე ვიარე, სანამ არ მივიყვანე იქამდე, რომ კანდიდატი ვერ დააყენეს. მიმაჩნია, რომ ეს კარგია ქართული ოცნებისთვისაც და ქვეყნისთვისაც", - განაცხადა მარგველაშვილმა.

2018 წლის საპრეზიდენტო არჩევნებზე ქართულ ოცნებას კანდიდატი არ წარუდგენია, თუმცა მხარი დაუჭირა დამოუკიდებელ კანდიდატს, სალომე ზურაბიშვილს.

გიორგი მარგველაშვილმა ასევე აღნიშნა, რომ მეორე ვადით პრეზიდენტობა არ სურდა რადგან შეზღუდული უფლებებით იგივე მდინარეში შესვლა არასწორად მიაჩნდა.

საქართველოში მომდევნო საპრეზიდენტო არჩევნები 2018 წლის 28 ოქტომბერს გაიმართება. საქართველოს პრეზიდენტობა 46 კანდიდატს სურს.