2018 წლის 28 ოქტომბრის საქართველოს საპრეზიდენტო არჩევნებისთვის კენჭისყრის სურვილი 46-მა კანდიდატმა გამოთქვა. მათგან 26 დამოუკიდებელი კანდიდატია, რომელიც საინიციატივო ჯგუფმა წარადგინა, დანარჩენი 20 - პარტიული.

ცენტრალურ საარჩევნო კომისიაში საპრეზიდენტო კანდიდატების რეგისტრაციის ვადა დღეს, 8 სექტემბერს, 18 საათზე ამოიწურა. კანდიდატების სრული სია ცესკოს ვებგვერდზე უკვე გამოქვეყნდა.

კანონმდებლობით, მიმართვის შემდეგ იწყება ხელმოწერების შეგროვება. ხელმოწერების შემოწმება დასრულდება კანონმდებლობით არჩევნების დღემდე არაუგვიანეს 30-ე დღისა, რის შემდეგაც კანდიდატი ოფიციალურად დარეგისტრირდება.