დღეს, 7 აგვისტოს, 19 საათზე რუსეთის ფედერაციის ყოფილ საელჩოსთან აქტივისტები საქართველოს ოკუპაციას გააპროტესტებენ. აქციას "10 წელი ომიდან" მოძრაობა რუსეთი ოკუპანტია • Russia Is An Occupant გამართავს.

როგორც აქციის ორგანიზატორები ფეისბუქის ივენთზე წერენ, 10 წლის წინ ჩვენს ტერიტორიაზე შემოჭრით რუსეთის ფედერაციამ საერთაშორისო სამართლის ფუნდამენტური პრინციპები დაარღვია და ეს აგრესიის აქტი იყო.

"რუსეთში იცვლება სახელწმიფო წყობა და ხელისუფლებები, თუმცა არ იცვლება მტრული დამოკიდებულება თავისუფალი და დამოუკიდებელი საქართველოს მიმართ. ის ომითა და სისხლით პასუხობს ქართველი ხალხის თავისუფლების წყურვილს", - წერს მოძრაობა.

ორგანიზატორების თქმით, აქციით თავისუფალ სამყაროს მიაწვდენენ ხმას და გამოხატავენ, რომ არასდროს შეეგუებიან ოკუპაციასა და უსამართლობას. ისინი მათგან რუსეთისგან მომდინარე აგრესიის შესაჩერებლად რეაგირებასაც მოითხოვენ.