დღეს "სხვა შუადღის" წამყვანებმა, ლაშა ბუღაძემ, ნენე კვინიკაძემ, ქეთი დევდარიანმა და დათო ტურაშვილმა საქართველოს პრეზიდენტს, გიორგი მარგველაშვილს თხოვნით მიმართეს, არ დანიშნოს არჩევნები ფრანკფურტის წიგნის ბაზრობის პარალელურად.

"ფრანკფურტის ბაზრობა ისეთი მნიშვნელობის მქონე პლატფორმაა, როგორც პოლიტიკურ, ისე კულტურულ ჭრილში, რომ აჯობებს, კონცენტრაცია მოხდეს სწორედ ამ ფართო არენაზე და არა ადგილობრივ, ლოკალურ ამბებზე", - განაცხადა ლაშა ბუღაძემ.

წამყვანების თქმით, ფრანკფურტის ბაზრობას ლიტერატურულის გარდა, სხვა მისიაც აქვს: ჩვენი ქვეყნისადმი კეთილგანწყობა და მისი ისტორიის თანაგანცდა უფრო გაიზრდება, თუ საქართველო მსოფლიოზე შთაბეჭდილებას მოახდენს საკუთარი ლიტერატურითა თუ კულტურით.

ფრანკფურტის წიგნის ბაზრობა 9-დან 14 ოქტომბრამდე იმართება.