რამდენიმე საათიანი გაუქმების შემდეგ, აფხაზეთის დე ფაქტო პრეზიდენტის, რაულ ხაჯიმბას გვერდი ფეისბუქზე ისევ გამოჩნდა.

რაულ ხაჯიმბას გვერდზე გამოქვეყნებულ პოსტზე HaHa რეაქციების გამო, თავდაპირველად გვერდზე პოსტი აღარ იძებნებოდა, მოგვიანებით კი თავად გვერდი.

გუშინ, 14 მაისს რუსეთში ფეხბურთის მსოფლიო ჩემპიონატზე გადაღებული ფოტოები გამოქვეყნდა. ხაჯიმბა მეორე თვითგამოცხადებულ პრეზიდენტთან, ანატოლი ბიბილოვთან ერთად ჩემპიონატს ესწრება. დე ფაქტო პრეზიდენტები, ვლადიმერ პუტინთან და სხვა ლიდერებთან ერთად საპატიო ლოჟიდან ადევნებენ თამაშს თვალს.

ქართველი ინტერნეტმომხმარებლები ხაჯიმბას პოსტ HaHa რეაქცაის უწერდნენ და გვერდს არეპორტებდნენ.

ფოტო: აფხაზეთის დე ფაქტო პრეზიდენტის ვებგვერდი

HaHa ომი პირველად აფხაზეთის საგარეო საქმეთა დე ფაქტო მინისტრის, დაურ კოვეს წინააღმდეგ დაიწყო. კოვემ ფეისბუქზე სირიის მიერ, აფხაზეთის დამოუკიდებლად აღიარება აღნიშნა. სიცილმა დე ფაქტო მინისტრი აიძულა პოსტი წაეშალა.

HaHa ომის მორიგი შეტევა საქართველოს ყოფილ პრემიერ-მინისტრზე, გიორგი კვირიკაშვილზე განხორციელდა, რომელმაც არასამთავრობოების მიერ წულუკიანის გადადგომის მოთხოვნა გააკრიტიკა.

ამის შემდეგ HaHa ემოციებმა იუსტიციის მინისტრის, ამჟამად მოვალეობის შემსრულებლის, თეა წულუკიანის პოსტზე გადაინაცვლეს და ყოფილი პროკურორის, ირაკლი შოთაძის ქებას დასცინეს.

მოგვიანებით HaHa პროტესტმა ქუჩაში გადაინაცვლა და იუსტიციის სახლთან HaHa ემოჯით "შეიარაღებულმა" მოქალაქეებმა თეა წულუკიანის გადადგომა მოითხოვეს.