განახლება: დე ფაქტო აფხაზეთის საგარეო საქმეთა მინისტრის, დაურ კოვეს ფეისბუქზე პოსტი აღარ იძებნება.

სირიის მიერ საქართველოს ოკუპირებული რეგიონების დამოუკიდებელ სახელმწიფოდ აღიარებას დე ფაქტო აფხაზეთის საგარეო საქმეთა მინისტრი, დაურ კოვე ფეისბუქპოსტით გამოეხმაურა.

"ვულოცავ ყველა ჩვენგანს! გამარჯვებისა და დამოუკიდებლობის დღის 25 წლისთავისადმი ამაზე უფრო ლამაზი საჩუქარი არ არსებობს!" - დაწერა დე ფაქტო მინისტრმა.

დაურ კოვეს პოსტს ქართველმა ინტერნეტმომხარებლებმა ფლეშმობით უპასუხეს. პროტესტის ნიშნად ისინი კოვეს ფეისბუქპოსტს HAHA რეაქციით ეხმიანებიან.

ამ დროისთვის დაურ კოვეს პოსტს ოთხი ათას ექვსასი HAHA რეაქცია აქვს, რაც აშკარად სჭარბობს სხვა რეაქციებს.