აფხაზეთის დე ფაქტო საგარეო საქმეთა მინისტრის ის ფეისბუქპოსტი, რომელშიც სირიის მიერ აფხაზეთის დამოუკიდებელ სახელმწიფოდ აღიარება აღნიშნა, აღარ იძებნება. დაურ კოვემა პოსტი ან წაშალა, ან მხოლოდ თავისი მხოლოდ მეგობრებისთვის დატოვა ხილული.

დაურ კოვეს პოსტში ეწერა "დამოუკიდებლობის 25 წლისთავზე ამაზე ლამაზი საჩუქარი არ არსებობს". ინტერნეტმომხმარებლებმა კოვეს განცხადებას სიცილით უპასუხა, რამაც ფლეშმობის სახე მიიღო და მის პოსტზე HAHA რეაქციას გამოხატავდნენ. რამდენიმე საათში კოვეს პოსტზე სიცილის რეაქციებმა 10 ათასს მიაღწია (სტატიაში გამოყენებულია კოვეს პოსტის ძველი ფოტოები).

ფოტო: მარიამ ლაშხია

ფოტო: მარიამ ლაშხია

სირიამ სამხრეთ ოსეთის და აფხაზეთის დეფაქტო რესპუბლიკები დამოუკიდებელ სახელმწიფოდ აღიარა. პასუხად საქართველომ სირიასთან დიპლომატიური ურთიერთობები გაწყვიტა.

შენიშვნა: თავდაპირველი სათაური იყო - ქართველი მომხმარებელების HAHA რეაქციების შემდეგ დაურ კოვემ ფეისბუქპოსტი წაშალა, რაც შეიცვალა ინფორმაციის უზუსტობის გამო.