საქართველოში მცხოვრები აზერბაიჯანელი ქალები, რომლებიც გენდერულ სტერეოტიპებს ანგრევენ
საქართველოში მცხოვრებ ეთნიკურ აზერბაიჯანელებში დღემდე მყარად არის გავრცელებული გენდერული სტერეოტიპი, რომ ქალის ერთადერთი ფუნქცია გათხოვება და შვილების გაჩენაა, ოჯახის რჩენის მისია და შესაბამისად, კარიერის გაკეთების უფლება კი მხოლოდ მამაკაცებს აქვთ. ამ მოსაზრებას ბევრი ქალიც ეთანხმება. თუმცა, არიან ისეთებიც, ვინც საზოგადოებაში მყარად ფესვგადგმულ სტერეოტიპებს ამსხვრევენ და ოჯახს განათლებას და ბიზნესსაქმიანობასაც უთავსებენ.
ერთ-ერთი მათგანია 54 წლის ირადა იბრაჰიმოვა. ის მარნეულში ცხოვრობს და “მწვანე კაფეს” დირექტორია. ირადამ ბაქოს სახელმწიფო უნივერსიტეტი 1987 წელს დაამთავრა. პროფესიით მათემატიკოსია. 2006 წელს ბაქოში, ერთ-ერთ საცხობში ადმინისტრატორად მუშაობდა. სწორედ მაშინ გადაწყვიტა, რომ სამშობლოში დაბრუნდებოდა და მარნეულში პატარა საკონდიტროსაც გახსნიდა. “თანხა არ მქონდა. 2016 წელს პროექტი დავწერე, გრანტის სახით 5000 ლარი ავიღე და ოცნება ავისრულე - საკონდიტრო გავხსენი,” - იხსენებს ირადა.
მას ორი შვილი ჰყავს. ამბობს, რომ ქალისთვის ბიზნესის მართვა ადვილი არ არის: “ოჯახშიც ძალიან ბევრი საქმეა და როგორც წესი, ამ ყველაფერს ქალები აკეთებენ. ამას ბიზნესიც თუ ემატება, საქმე კიდევ უფრო რთულდება. ამ დროს მამაკაცის მხარდაჭერა და თანადგომა აუცილებელია. ჩემი მეუღლე ყოველთვის ძალიან მეხმარებოდა. ყველა ქალს უნდა ჰქონდეს განათლება და ჰყავდეს ისეთი მეუღლე, რომელიც დაეხმარება. ტრადიციულ საზოგადოებაში, სადაც ოჯახში ქალის როლის შესახებ ბევრი სტერეოტიპია დამკვიდრებული, ქალისთვის ოჯახის და ბიზნესის შეთავსება ძალიან რთულია, მაგრამ არა შეუძლებელი. ქალებს ამ სირთულის გადალახვა შეუძლიათ. განსაკუთრებით მაშინ, თუ მათ ოჯახის წევრი მამაკაცები მხარს დაუჭერენ.”
რენა ბაბაევა ბოლნისელია. რუსეთში უმაღლესი განათლების მიღების შემდეგ ისიც საქართველოში დაბრუნდა და მარნეულის სასურსათო ქარხანაში დაიწყო მუშაობა. ბევრ პოზიციაზე მუშაობდა: იყო ბუღალტერიც და გაყიდვების მენეჯერიც. 2008 წლიდან მოყოლებული ის შპს “აგროსისტემების” დირექტორია.
რენა მიიჩნევს, რომ თუ ქალი მოინდომებს, აუცილებლად მიაღწევს წარმატებას: “10 წელია, დირექტორი ვარ. ოჯახს და სამსახურს ერთმანეთს კარგად ვუთავსებ. შვილებიც მყავს და შვილიშვილებიც. დღემდე არც ოჯახისთვის მომიკლია ყურადღება და არც საქმისთვის. მონდომების შემთხვევაში ქალს ყველაფრის მიღწევა შეუძლია. ყველა ქალს უნდა ჰქონდეს განათლება. განათლებული ქალი აუცილებლად მიაღწევს წარმატებას.”
რენა ამბობს, რომ ქალებს აუცილებლად სჭირდებათ მამაკაცების მხარდაჭერა: “მე და ჩემი მეუღლე წლებია ერთმანეთის მხარდამხარ ვმუშაობთ. როცა წყვილს შორის ნდობა არის, იქ არ შეიძლება იყოს პრობლემა. აუცილებელია, რომ მამაკაცებმა ცოლებს მხარი დაუჭირონ.”
23 წლის რანა აჯალოვა ენების შემსწავლელი ცენტრის დამფუძნებელი და დირექტორია. მან საქართველოს ტექნიკური უნივერსიტეტი დაამთავრა და ბიზნესის ადმინისტრირებას დაეუფლა. ახლა ევროპათმცოდნეობაზე სწავლობს. ამბობს, რომ ენების შემსწავლელი ცენტრის გახსნაზე ჯერ კიდევ სტუდენტობისას ოცნებობდა. ახლა ცენტრს უფროს დასთან ერთად მართავს.
“ჩვენი ახალგაზრული ასაკის გამო არავის სჯეროდა, რომ ცენტრის გახსნას შევძლებდით. ყველაფერი თვითონ ადამიანზეა დამოკიდებული. თუ ქალს რაიმეს მიღწევა უნდა, აუცილებლად უნდა სცადოს. მე და ჩემმა დამ ვიცოდით, რისი გაკეთებაც გვინდოდა და სურვილი რომ აგვესრულებინა, ამისთვის ბევრი ვიშრომეთ. სასურველ შედეგს რომ მიაღწიო, ამისთვის უნდა ისწავლო და ბევრი იმუშავო. ახალი ცოდნის და უნარების შეძენას საკუთარ თავზე მუდმივი მუშაობა სჭირდება, მუდმივი მუშაობით კი წარმატების მიღწევაც შეიძლება.”
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
კომენტარები