ახლახან ემინემმა სოციალურ ქსელებში პოსტი გამოაქვეყნა და გულშემატკივრებს აცნობა, რომ ახალ ალბომს 2024 წლის ზაფხულში გამოუშვებს. The Death of Slim Shady — ასე ჰქვია ემინემის მიერ დაანონსებულ ახალ ალბომს, რომელიც მომღერლისთვის რიგით მე-12 ალბომი იქნება.

ემინემმა სოციალურ ქსელებში ახალი ალბომის მოკლე ტრეილერიც გაავრცელა. ვიდეოში ნაჩვენებია, თუ როგორ იძიებს რეპორტიორი Slim Shady-ის სიკვდილს, რაზეც ალბომის სახელწოდებაც მიგვანიშნებს."რითმების გამო, Slim Shady მტრების ნაკლებობას არ განიცდიდა", — ვისმენთ ტრეილერში, რომელშიც მოგვიანებით ემინემსაც ვხედავთ.

შეგახსენებთ, რომ The Real Slim Shady ემინემის ერთ-ერთი ყველაზე პოპულარული სიმღერის სახელწოდებაა ალბომიდან The Marshall Mathers LP, რომელმაც მუსიკოსს დიდი აღიარება მოუტანა. Slim Shady კი გარკვეული პერიოდის განმავლობაში ემინემის ფსევდონიმიც იყო. Slim Shady ემინემის სხვა ალბომების სახელებშიც ფიგურირებს. მომღერალმა 1997 წელს ალბომი სახელად Slim Shady EP გამოუშვა, რასაც ორ წელში ალბომი The Slim Shady LP მოჰყვა.

მართალია, The Real Slim Shady 1999 წელს გამოვიდა, თუმცა მომღერლის შემოქმედებიდან ბევრი გულშემატკივრისთვის დღემდე ყველაზე დასამახსოვრებელ სიმღერად რჩება. ახალი ალბომი The Death of Slim Shady კი, 2024 წლის ზაფხულში გამოვა.