მამუკა მდინარაძე

23 Apr. 2024, 18:07

შარშან ჩვენ, წლის ბოლოს – ნოემბერ-დეკემბერში, დიდი მსჯელობა და კამათიც, არ დაგიმალავთ, გვქონდა და დიდი ხანი მოვუნდით, ხელოვნურ განაყოფიერებასთან დაკავშირებულ საკითხებს. ეს ხშირ შემთხვევაში ძალიან სენსიტიური თემაა. არ შევალ სიღრმეებში, იმიტომ, რომ გადაწყვეტილებისკენ არ წავსულვართ ჯერ. ერთის მხრივ არის სამედიცინო მანიპულაციად მიჩნეული, რომელსაც ჩვენი ეკლესიის წარმომადგენლები სასტიკად ეწინააღმდეგებიან, მეორეს მხრივ არის სამედიცინო ჩვენება, რაც დემოგრაფიული ზრდის თვალსაზრისით საჭიროებას წარმოადგენს.

…მაგალითად აბორტთან დაკავშირებით სამედიცინო ჩვენების შემთხვევაში და ა.შ. ბუნებრივი ამბავია, მაგრამ პათოსში ზოგადად გეთანხმებით. ეს არის კომპლექსური საკითხი, რომელზეც წელს ჩვენ ვაპირებთ, ვიმსჯელოთ. და რაღაცა შედეგამდე მივალთ… მათ შორის ხელოვნურ განაყოფიერებასთან დაკავშირებით. არც იმას დაგიმალავთ, რომ ეკლესიის წარმომადგენლებთან გარკვეული დისკუსია, კამათი გვქონდა ამასთან დაკავშირებით. მათ უფრო ხისტი მიდგომა აქვთ, ჩვენ უფრო შედარებით რბილი მიდგომა გვაქვს, იმიტომ, რომ ბევრი უშვილო წყვილია, რომლისთვისაც სასიცოცხლოდ მნიშვნელოვანია… რაღაცა ოპტიმალურ ზღვარზე ალბათ, საბოლოოდ, გავალთ და საერთო თანხმობა რომ იქნება ეკლესიისგან, ჩვენგანაც, ხალხისგანაც, შემდეგ ამ თემებზე მივალთ და ოპტიმალურ გამოსავალს მოვძებნით. ახლა ვერ გეუბნებით, უკაცრავად, ცოტა რთული კითხვაა, სად იქნება ეს ზღვარი, თუმცა ჩვენ შევეცდებით, რომ ერთი მხრივ უშვილო წყვილის ინტერესები დავიცვათ, მეორეს მხრივ, ზედმეტი მანიპულაციებისგანაც დავიცვათ.

მეორეს მხრივ იცით რა არგუმენტებია, საშინელება ხდება თურმე ხალხო, ვერ წარმოიდგენთ ისეთი პრეცედენტები და მაგალითები მოგვიტანეს. ბავშვთა ტრეფიკინგის… ე.ი. უცხოელები ჩამოდიან, როცა რეგულაცია არ არის ხისტი; ასე ვთქვათ, ჭურჭელს ეძახიან ქალს, რომელსაც ხელოვნური განაყოფიერებით ჩაუსახავენ ბავშვს, შემდეგ ყიდიან ამ ბავშვებს და მერე ეს ბავშვები იკარგებიან სადაც უცხოეთში და წარმოუდგენელი ამბები ხდება. ამას ცალკე დაზღვევა სჭირდება, მაგრამ ამის დაზღვევაში ის არ უნდა მოხდეს, რომ აქ ქართველ წყვილს აუკრძალო ბავშვის ყოლა, ბავშვის გაჩენის უფლება.

მერე იყო, მარტოხელა დედას უნდა ჰყავდეს თუ არა შვილი — აი, მაგალითად —"არ ვარ დაოჯახებული" – ქალი ამბობს და "მინდა, რომ მყავდეს შვილი", ამის უფლება უნდა ჰქონდეს თუ არა. მერე ეს გახდა საკამათო თემა. "ჩემი რაღაცა ფაქტორების გამო არ გავთხოვილვარ" — ამბობენ და "რატომ მართმევ დედობის უფლებას”. ძალიან რთული თემაა და რაღაცამდე უნდა მივიდეთ და მათ შორის, ამ აბორტის თემასთან დაკავშირებით.

სამედიცინო ჩვენების დროს გასაგებია, მაგრამ იმის შემდეგ აკრძალვაზე ალბათ უფრო ოპტიმალურ გამოსავალთან მივალთ.

თქვა მამუკა მდინარაძემ ამბროლაურში დღეს, 23 აპრილს გამართულ საკონსტიტუციო განხილვაზე, როდესაც პარტიის წევრებს შეკითხვა აბორტის შესახებაც დაუსვეს.
მდინარაძის კომენტარს პუბლიკა აქვეყნებს.


კომენტარები

კვირის ტოპ-5

  1. პუტინს სურს ზავი უკრაინასთან, თუ შეთანხმება აღიარებს მიმდინარე ფრონტის ხაზებს — Reuters
  2. ნათია მეზვრიშვილი: ივანიშვილი წაგებისთვის ემზადება, არჩევნებამდე უნდა აირჩიოს ახალი ლოიალური გენერალური პროკურორი, 6 წლის ვადით
  3. სხდომაზე, სადაც რუსულ კანონზე პრეზიდენტის ვეტოს განიხილავენ, მიხეილ დაუშვილის კითხვას ხმაური მოჰყვა
  4. შსს განცხადებას ავრცელებს
  5. არქიეპისკოპოსმა გალსტანიანმა მღვდელმსახურება შეიჩერა, რათა სომხეთის პრემიერ-მინისტრობისთვის იბრძოლოს

გირჩევთ

ახლა კითხულობენ

გადახედვა

საია: ხარაზიშვილი ავრცელებს ძალადობრივი პრაქტიკების მუქარას, რასაც ძალადობის წამახალისებელი ეფექტი აქვს

მოკლედ: საქართველოს ახალგაზრდა იურისტთა ასოციაცია (საია) აცხადებს, რომ განსაკუთრებულ დავალებათა დეპარტამენტის…