მოკლედ: სპეციალური საგამოძიებო სამსახურის ინფორმაციით, მოქალაქის მიმართ იძულების ფაქტზე, შინაგან საქმეთა სამინისტროს მომსახურების სააგენტოს უფროსი ინსპექტორი ამხილეს.

დეტალები: გამოძიებით დადგინდა, რომ 2024 წლის 7 თებერვალს, ბათუმში, ბრალდებული, სამსახურებრივი საკითხის მოსაგვარებლად, შეხვდა იმ კერძო კომპანიის მენეჯერს, სადაც თავისი ცოლი იყო დასაქმებული.

  • ბრალდებულმა დაზარალებული მანქანაში ჩაისვა, მიაყენა სიტყვიერი შეურაცხყოფა და გააფრთხილა, რომ თავისი ცოლისთვის სამსახურებრივი გაფრთხილების დოკუმენტზე ხელისმოწერა აღარ მოეთხოვა.
  • ბრალდებული დაზარალებულს დაემუქრა, რომ თუ მის ნათქვამს არ შეასრულებდა, მას ბათუმში საცხოვრებლად არ გააჩერებდა და პრობლემებს შეუქმნიდა.

დაზარალებულმა სპეციალურ საგამოძიებო სამსახურს მიმართა, შედეგად, საგამოძიებომ მოიპოვა ვიდეოკამერების ჩანაწერები და დაკითხა საქმესთან შემხებლობაში მყოფი პირები.

ბოლო ხაზი: ბრალდებულს დანაშაული წარედგინა მუხლით, რომელიც იძულებას გულისხმობს.

  • მუხლი 1-წლიან პატიმრობას ითვალისწინებს.