მოკლედ: თელავის რაიონულმა სასამართლომ, დამამძიმებელ გარემოებაში ჩადენილი განზრახ მკვლელობის და მკვლელობის მცდელობის ფაქტებზე, ბრალდებულს 18 წლით პატიმრობა მიუსაჯა.

დეტალები: მტკიცებულებებით დადასტურდა, რომ ბრალდებული შეურაცხმყოფლად მიიჩნევდა მისი ყოფილი ცოლის სხვა მამაკაცთან ქორწინებას და ორივე მათგანის მოკვლა განიზრახა.

  • 2023 წლის 28 ნოემბერს, ბრალდებული, შეიარაღებული მივიდა საგარეჯოს რაიონის სოფელ ქეშალოში, ყოფილი ცოლის და მისი ქმრის სახლში.
  • ბრალდებულმა ყოფილი ცოლის ქმრის დედის თანდასწრებით, ცოლ-ქმარს რამდენჯერმე ესროლა.
  • კაცი ადგილზე გარდაიცვალა, ბრალდებულის ყოფილი ცოლი კი სასწრაფო სამედიცინო დახმარების შედეგად გადარჩა.

ბოლო ხაზი: საქართველოს პროკურატურამ დანაშაულის ჩამდენ პირს ბრალდება წარუდგინა მუხლებით, რომელიც გულისხმობს

  • განზრახ მკვლელობას, ჩადენილი დამამძიმებელ გარემოებაში, ისეთი საშუალებით, რომელიც განზრახ უქმნის საფრთხეს სხვათა სიცოცხლეს ან ჯანმრთელობას და განსაკუთრებული სისასტიკით;
  • განზრახ მკვლელობის მცდელობა, ჩადენილი დამამძიმებელ გარემოებაში, ისეთი საშუალებით, რომელიც განზრახ უქმნის საფრთხეს სხვათა სიცოცხლეს ან ჯანმრთელობას, გენდერის ნიშნით, ოჯახის წევრის მიმართ და ორი პირის მიმართ
  • და ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა, ტარებას.