ევროპული და ევროატლანტიკური ინტეგრაცია, საქართველოს მიმდინარე რეფორმები და პერსპექტივები, უვიზო მიმოსვლასთან დაკავშირებული სირთულეები, ევროკავშირთან სექტორული თანამშრომლობის თემატიკა. აღნიშნულ საკითხებს დღეს, 8 მარტს, ბრიუსელში პრეზიდენტი გიორგი მარგველაშვილის სამუშაო ვიზიტის დროს განიხილავენ.

პეზიდენტის ადმინისტრაციის განცხადებაში ნათქვამია, რომ დაგეგმილი შეხვედრებისას მარგველაშვილი უსაფრთხოების საკითხებზე, ოკუპირებულ ტერიტორიებზე შექმნილ ვითარებაზე, რუსეთის აგრესიულ პოლიტიკაზე გაამახვილებს ყურადღებას.

ევროკომისიაში, ევროსაბჭოსა და NATO-ს შტაბ-ბინაში დაგეგმილი შეხვედრის ფარგლებში, პრეზიდენტი ევროპელ პარტნიორებს ინფორმაციას მიაწვდის ოკუპირებულ ცხინვალში საქართველოს მოქალაქის არჩილ ტატუნაშვილის გატაცებისა და სიკვდილის შესახებ.